ڈپٹی کمشنر جہلم میر رضا اوزگن کی ہدایت پر اسسٹنٹ کمشنر جہلم عبدالسمیع شیخ نے راولپنڈی ویسٹ مینجمنٹ کمپنی (RWMC) کے ضلعی اور تحصیل ہیڈکوارٹرز کا اہم دورہ

جہلم (اقبال خان): ڈپٹی کمشنر جہلم میر رضا اوزگن کی ہدایت پر اسسٹنٹ کمشنر جہلم عبدالسمیع شیخ نے راولپنڈی ویسٹ مینجمنٹ کمپنی (RWMC) کے ضلعی اور تحصیل ہیڈکوارٹرز کا اہم دورہ کیا۔ اس دورے کا مقصد شہر میں صفائی ستھرائی کے انتظامات اور انتظامی ڈھانچے کی کارکردگی کو جانچنا تھا۔
دورے کے دوران اسسٹنٹ کمشنر نے صفائی آپریشنز، عملے کی حاضری اور انتظامی امور کا تفصیلی جائزہ لیا۔ انہوں نے فیلڈ میں موجود ٹیموں کی کارکردگی اور کوڑے کرکٹ کو ٹھکانے لگانے کے طریقہ کار کا معائنہ کرتے ہوئے صفائی کے نظام کو جدید خطوط پر استوار کرنے کی ضرورت پر زور دیا۔
اسسٹنٹ کمشنر عبدالسمیع شیخ نے موقع پر موجود افسران کو ہدایات جاری کیں کہ صفائی کے نظام کو مزید مؤثر بنایا جائے اور شہریوں کی شکایات کا فوری ازالہ یقینی بنایا جائے۔ انہوں نے واضح کیا کہ صفائی کے معیار پر کوئی سمجھوتہ نہیں کیا جائے گا تاکہ ضلع جہلم کو ایک صاف ستھرا اور مثالی ضلع بنایا جا سکے۔