ریسکیو 1122 نے ماہ جون 2025 میں مجموعی طور پر 2480 افراد کو ریسکیو کیا۔انجئنیر سعید احمد ڈسٹرکٹ ایمرجنسی آفیسر ریسکیو 1122 جہلم
جہلم ( اقبال خان )ریسکیو 1122 نے ماہ جون 2025 میں مجموعی طور پر 2480 افراد کو ریسکیو کیا۔انجئنیر سعید احمد ڈسٹرکٹ ایمرجنسی آفیسر ریسکیو 1122 جہلم
ماہ جون میں ریسکیو 1122 جہلم کو کل 2544 ایمرجنسی کالز موصول ہوئیں ۔ڈسٹرکٹ ایمرجنسی آفیسر ریسکیو 1122 جہلم
ماہ جون میں 360روڈ ٹریفک کے حادثات ہوئے، جن 08افراد جاں بحق ہوئے۔ ڈسٹرکٹ ایمرجنسی آفیسر ریسکیو 1122 جہلم
ماہ جون میں 102افراد مختلف ایمرجنسیزمیں جان کی بازی ہار گئے، جن میں زیادہ میڈیکل ایمرجنسیزتھیں۔ ڈسٹرکٹ ایمرجنسی آفیسر ریسکیو 1122 جہلم
ڈسٹرکٹ ایمرجنسی آفیسر ریسکیو 1122جہلم انجینئر سعید احمد کی صدرات میں ایک اجلاس ہوا جس میں ریسکیو 1122 کی ماہانہ کارکردگی کا جائزہ لیا گیا۔ریسکیو1122 جہلم نے بروقت رسپانس کرتے ہوئے مجموعی طور پر 2480لوگوں کو ریسکیو کیا اور ابتدائی طبی امداد فراہم کرنے کے بعد 1584مریضوں کو ہسپتال منتقل کیا۔ماہ جون میں جن 2544ایمرجنسیز کالز پر رسپانس کیا ان میں روڈ ٹریفک ایکسڈینٹ کی تعداد 360 تھی، میڈیکل ایمرجنسیز 1720تھیں ، آگ لگنے کا واقعات 48ہوئے،کرائم 46، ڈوبنے کے واقعات 07ہوئےاور متفرق ایمرجنسیز کی تعداد 363 رہی۔ ماہ جون میں 102 افراد مختلف ایمرجنسیزمیں جان کی بازی ہار ے، جن میں زیادہ تر میڈیکل ایمرجنسیز تھیں۔
ریسکیو 1122 جہلم نے ماہ جون میں بھی بہتر رسپانس ٹائم کی روایت کو برقرار رکھتے ہوئے ایوریج رسپانس ٹائم 8.14 منٹ میں لوگوں کو ریسکیو کیا۔ اس کے علاوہ ماہ جون میں ممکنہ سیلابی صورتحال کے پیش نظر دریائے جہلم پر تحصیل پنڈ دادنخان میں فرضی مشقوں کا انعقاد بھی کیا گیا۔
کمیونٹی سیفٹی پروگرام کے تحت محفوظ معاشرے کے قیام کے لیے مختلف تعلیمی اداروں اور دفاتر میں ٹریننگز کا انعقاد بھی کیا گیا ، جب کہ یونین کونس کی سطح پر کمیونٹی ایمرجنسی رسپانس ٹیم کی تشکیل بھی کی جا رہی ہے اور سکاؤٹس کے لئے CADRE ٹریننگ کا انعقاد بھی کیا جا رہا ہے۔
علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کے لئے ضلع جہلم سے کل 78مریضوں کو راولپنڈی، اسلام آباد، سرگودھا کے ہسپتالوں میں منتقل کیا گیا۔
ڈسٹرکٹ ایمرجنسی آفیسر نے پورے ماہ میں ریسکیورز کی کارکردگی کو حوصلہ افزاء قرار دیا اورکہا کہ ریسکیو 1122 جہلم کی ٹیم ہر وقت آفات سے نبرد آزما ہونے کے لیئے تیار رہے اور کسی بھی ناگہانی صورتحال میں بہترین طریقے سے لوگوں کو سروسز فرہم کر رہے ہیں۔
