شہر بھر میں بڑی مقدار میں پانی جمع ہوا ہے جس کی نکاسی کے لیے ضلعی انتظامیہ واسا کے ملازمین راولپنڈی ویسٹ مینجمنٹ کمپنی کے اہلکاران فیلڈ میں موجود ہیں۔ضلعی انتظامیہ

جہلم ۔(اقبال خان ) جہلم صبح 5:48 سے 2 بجے دن تک 131.8 ملی میٹر بارش ریکارڈ تمام برساتی نالے ابھی تک معمول کے مطابق بہہ رھے ھیں ۔ سیلاب کا کوئی خدشہ نہیں ، تفصیلات کے مطابق جہلم شہر میں اتوار صبح شروع ہونے والی بارش بعد دوپہر تک جاری ہے محکمہ موسمیات کے مطابق اب تک 131 ملی میٹر بارش ریکارڈ کی گئی ہے جس سے شہر بھر میں بڑی مقدار میں پانی جمع ہوا ہے جس کی نکاسی کے لیے ضلعی انتظامیہ واسا کے ملازمین راولپنڈی ویسٹ مینجمنٹ کمپنی کے اہلکاران فیلڈ میں موجود ہیں اور پانی کی جلد از جلد نکاسی کے لیے تمام ضروری اقدامات عمل میں لائے جا رہے ہیں اس حوالے سے ڈپٹی کمشنر جہلم میثم عباس سمیت ضلعی انتظامیہ کے افسران تمام صورتحال کو مانیٹر کر رہے ہیں حالیہ بارش کے بعد منگلا ڈیم میں پانی کی سطح بلند ہوئی ہے ڈیم میں اس وقت واٹر لیول 1231 فٹ ریکارڈ کیا گیا ہے جبکہ ڈیم میں 1242 فٹ تک پانی جمع کرنے کی گنجائش موجود ہے ڈیم سے اس وقت 10 ہزار کیوسک پانی خارج کیا جا رہا ہے جبکہ پانی کی آمد 40 ہزار کیوسک کے قریب بتائی جاتی ہے ۔ ضلعی انتظامیہ کا کہنا ہے کہ ضلع جہلم میں سیلاب کی صورتحال کا کوئی خدشہ نہیں البتہ دریا کنارے اور برساتی نالوں کے قریب رہنے والے افراد کو ہدایت کی جاتی ہے کہ وہ کسی قسم کے جانی و مالی نقصان سے بچنے کے لیے محفوظ مقامات پر منتقل ہو جائیں۔ ضلعی انتظامیہ کی جانب سے کسی بھی ممکنہ سیلابی صورتحال کے پیش نظر حفاظتی اقدامات اور ممکنہ طور پر بارشی بارشوں سے متاثر افراد کو ریسکیو کرنے کے لیے تیاریاں مکمل ہیں۔ محکمہ موسمیات کے مطابق ضلع جہلم میں حالیہ بارش کا سلسلہ دو دن تک جاری رہ سکتا ہے۔