حاجی جاوید آف پنچور کی جانب سے بیٹے کی شادی کی خوشی میں پروقار دعوتِ طعام: سیاسی و سماجی شخصیات کی کہکشاں، معزز مہمانوں کا والہانہ استقبال

حاجی جاوید آف پنچور کی جانب سے بیٹے کی شادی کی خوشی میں پر پروقار دعوتِ طعام: سیاسی و سماجی شخصیات کی کہکشاں، معزز مہمانوں کا والہانہ استقبال
​دینہ (رپورٹ: محمد اقبال خان) دینہ کے نواحی علاقے پنچور کی معروف سماجی شخصیت حاجی جاوید آف پنچور کے صاحبزادے کی شادی کے حوالہ سے دوست احباب کی دعوت کے موقع پر ایک پروقار دعوتِ طعام کا اہتمام کیا گیا، اس موقع پر دیارِ غیر سے وطن واپس آنے والے مہمانوں اور مقامی قیادت نے بھرپور شرکت کر کے محفل کی رونق کو دوبالا کر دیا۔
​معزز مہمانوں کی آمد اور شاندار استقبال
​تقریب میں برطانیہ سے خصوصی طور پر تشریف لائے ہوئے راجہ یاسر کیانی ایڈوکیٹ (یوکے) اور میاں عبید چوہدری، (یوکے) اکمل گجر آف چک براہم،انجینئر راجہ طلحہ ،راجہ عامر کیانی ،انفارمیشن سیکرٹری پریس کلب دینہ محمد اقبال خان کی شرکت کی۔ حاجی جاوید نے دیگر معززین کے ہمراہ مہمانوں کا والہانہ استقبال کیا۔
​مہمانوں کو روایتی جوش و خروش سے پھولوں کے ہار پہنائے گئے۔
​حاجی جاوید نے ان کی آمد کو علاقے کے لیے اعزاز قرار دیتے ہوئے کہا کہ اپنی مٹی سے محبت ہی بیرونِ ملک مقیم پاکستانیوں کا اصل سرمایہ ہے۔
​دیارِ غیر میں خدمات پر خراجِ تحسین
​اس تقریبِ طعام کے دوران جہاں خوشی کا سماں تھا، وہیں مقررین نے راجہ یاسر کیانی ایڈوکیٹ( یوکے) اور میاں عبید چوہدری( یوکے )کی برطانیہ میں پاکستانی کمیونٹی کے لیے انجام دی گئی سیاسی و سماجی خدمات کو بھی سراہا۔
​کمیونٹی لیڈرشپ: مقررین کا کہنا تھا کہ ان شخصیات نے برطانیہ میں مقیم ہم وطنوں کے مسائل حل کرنے اور پاکستان کا مثبت چہرہ دنیا کو دکھانے میں مثالی کردار ادا کیا ہے۔
​وطن سے محبت: یہ بات خاص طور پر زیرِ بحث آئی کہ دیارِ غیر کی مصروفیات کے باوجود یہ لوگ اپنے آبائی علاقے کے مسائل اور لوگوں سے ہمیشہ جڑے رہتے ہیں۔
​علاقائی مسائل اور باہمی مکالمہ
​دعوتِ طعام کے دوران مقامی سماجی و سیاسی صورتحال اور علاقے کو درپیش مسائل پر بھی سنجیدہ گفتگو ہوئی۔ معزز مہمانوں نے دینہ اور گرد و نواح کی ترقی کے حوالے سے اپنی قیمتی تجاویز دیں اور مقامی قیادت کے ساتھ مل کر فلاحی کاموں میں تعاون کا اعادہ کیا۔
​ممتاز شخصیات کی شرکت
​تقریب میں زندگی کے مختلف شعبوں سے تعلق رکھنے والے افراد نے شرکت کی۔ انفارمیشن سیکرٹری پریس کلب دینہ، محمد اقبال خان نے اس موقع پر گفتگو کرتے ہوئے کہا کہ ایسی تقریبات جہاں خوشی بانٹنے کا ذریعہ ہیں، وہیں یہ سماجی روابط کو مضبوط کرنے اور مقامی و سمندر پار قیادت کو ایک پلیٹ فارم پر لانے میں بھی اہم کردار ادا کرتی ہیں۔
​آخر میں حاجی جاوید آف پنچور نے تمام شرکاء، میڈیا نمائندگان اور بیرونِ ملک سے آئے ہوئے معزز مہمانوں کا تہہ دل سے شکریہ ادا کیا کہ انہوں نے اپنی شرکت سے اس تقریب کو یادگار بنایا۔