چیف سیکرٹری پنجاب زاہد اختر زمان کی زیر صدارت آٹے کی قیمتوں سے متعلق اجلاس، کمشنرز اور ڈپٹی کمشنرز کی شرکت
چیف سیکرٹری پنجاب زاہد اختر زمان کی زیر صدارت آٹے کی قیمتوں سے متعلق اجلاس، کمشنرز اور ڈپٹی کمشنرز کی شرکت
جہلم (اقبال خان): چیف سیکرٹری پنجاب زاہد اختر زمان کی زیر صدارت آٹے کی قیمتوں سے متعلق اجلاس منعقد ہوا، جس میں تمام ڈویژنل کمشنرز اور ڈپٹی کمشنرز نے ویڈیو لنک کے ذریعے شرکت کی۔ اجلاس میں صوبے بھر میں آٹے کی قیمتوں، دستیابی اور عوام کو مناسب نرخوں پر فراہمی یقینی بنانے سے متعلق امور کا جائزہ لیا گیا۔
اجلاس کے دوران آٹے کی قیمتوں کو مستحکم رکھنے، مارکیٹ میں دستیابی کی صورتحال کی نگرانی اور مقررہ نرخوں پر عمل درآمد یقینی بنانے کے اقدامات پر تبادلہ خیال کیا گیا۔ تمام ڈویژنل کمشنرز اور ڈپٹی کمشنرز کو ہدایت کی گئی کہ اپنے اپنے علاقوں میں قیمتوں کی مؤثر نگرانی کریں اور عوام کو ریلیف فراہم کرنے کے لیے متعلقہ محکموں کے ساتھ رابطہ کاری کو یقینی بنائیں۔
اجلاس کا مقصد آٹے کی قیمتوں میں استحکام برقرار رکھنا، عوامی مفادات کا تحفظ اور صوبے بھر میں اشیائے ضروریہ کی مناسب نرخوں پر دستیابی یقینی بنانا تھا۔ متعلقہ انتظامی افسران کو ہدایت کی گئی کہ مارکیٹ کی صورتحال پر مسلسل نظر رکھیں اور قیمتوں سے متعلق عوامی شکایات کے ازالے کے لیے بروقت اقدامات کریں۔
