لاہور ڈیسک
پنجاب حکومت نے اکثریتی ووٹ سے چائلڈ میرج ریسٹرینٹ بل 2026 منظور کر لیا
اس بل کے تحت مردوں اور خواتین دونوں کے لیے کم از کم شادی کی عمر 18 سال مقرر
پنجاب اسمبلی نے کم عمر بچوں کی شادی کی روک تھام سے متعلق ترمیمی بل کثرتِ رائے سے منظور کر لیا ہے، جس کے تحت کم عمری کی شادی پر سخت سزائیں مقرر کی گئی ہیں۔
نئے قانون کے مطابق 18 سال سے زائد عمر کے افراد اگر کم عمر سے نکاح کریں تو انہیں قانونی کارروائی کا سامنا کرنا ہو گا اس کے علاوہ والدین یا سرپرست اگر ایسی شادی میں معاونت کریں تو ان کے لیے بھی سزائیں مقرر کی گئی ہیں
چائلڈ پروٹیکشن بیورو کی چیئرپرسن سارہ احمد کا کہنا ہے کہ یہ قانون وزیراعلیٰ پنجاب مریم نواز کے ویژن کے مطابق بچیوں کے تحفظ کے لیے ایک اہم قدم ہے۔
انہوں نے بتایا کہ پنجاب چائلڈ میرج ریسٹرینٹ بل 2026 کے تحت خلاف ورزی کرنے والوں کو 2 سے 3 سال قید اور 5 لاکھ روپے تک جرمانے کی سزا دی جا سکے گی، جس کا مقصد کم عمری کی شادی کے رجحان کی حوصلہ شکنی کرنا ہے۔
