سہولت بازار میں تمام اشیائے خوردونوش مناسب قیمتوں پر دستیاب ہیں اور شہریوں کی بڑی تعداد اس سے مستفید ہو رہی ہے,ڈپٹی کمشنر جہلم میثم عباس

جہلم(اقبال خان ): سہولت بازار میں تمام اشیائے خوردونوش مناسب قیمتوں پر دستیاب ہیں اور شہریوں کی بڑی تعداد اس سے مستفید ہو رہی ہے، رمضان المبارک میں شہریوں کو سستی اور معیاری اشیاء فراہم کرنے کے لیے ضلع جہلم میں دو سہولت بازار کام کر رہے ہیں یہ بات ڈپٹی کمشنر جہلم میثم عباس نے سہولت بازار جہلم کا دورہ کرتے ہوئے کہی۔ اس موقع پر میونسپل کمیٹی کے افسران نے ڈپٹی کمشنر کو سہولت بازار کے مختلف کاؤنٹرز پر دستیاب اشیاء بارے بریفنگ دی۔ ڈپٹی کمشنر نے سہولت بازار میں آنے والے شہریوں کو تمام بنیادی اشیاء خورد و نوش کی فراہمی اور وافر مقدار میں سپلائی یقینی بنانے کی ہدایت کی۔