ڈپٹی کمشنر جہلم میثم عباس نے تحصیل دینہ میں اسسٹنٹ کمشنر دینہ صفا عابد کے ساتھ مختلف علاقوں میں نالوں کی بڑے پیمانے پر صفائی کے عمل کا جائزہ لیأ

جہلم( اقبال خان)۔ موسم برسات کی شدید بارشوں کے ساتھ ساتھ بڑے نالوں کی صفائی کا عمل جاری رہنا چاہیے تاکہ بارشوں سے نالوں اور سیوریج لائنوں میں جمع ہونے والے کچرے کو بروقت ہٹا کر نکاسی آب یقینی بنائی جا سکے ڈپٹی کمشنر جہلم میثم عباس نے یہ بات تحصیل دینہ میں اسسٹنٹ کمشنر دینہ صفا عابد کے ساتھ مختلف علاقوں میں نالوں کی بڑے پیمانے پر صفائی کے عمل کا جائزہ لیتے ہوئے کہی۔ اس موقع پر اسسٹنٹ کمشنر دینہ صفا عابد نے ڈپٹی کمشنر جہلم کو میونسپل کمیٹی دینہ کی جانب سے کیے گئے اقدامات پر تفصیلی اگاہی دی۔ جس پر ڈی سی جہلم نے تمام بڑے نالوں سے کی صفائی کو یقینی بنانے اور کچرے کو بروقت ٹھکانے لگانے کی ضرورت پر زور دیا۔