تجاوزات کے خاتمے کا مشن، ڈپٹی کمشنر جہلم میثم عباس خود میدان میں اتر پڑے، بازار کا دورہ، مسلسل تجاوزات کرنے والی دو دوکانیں سیل

جہلم(اقبال خان   ): تجاوزات کے خاتمے کا مشن، ڈپٹی کمشنر جہلم میثم عباس خود میدان میں اتر پڑے، بازار کا دورہ، مسلسل تجاوزات کرنے والی دو دوکانیں سیل، متعدد کو وارننگ، تفصیلات کے مطابق ڈپٹی کمشنر جہلم میثم عباس نے تجاوزات کے خاتمے کے لیے خود میدان میں اترتے ہوئے بازار کا دورہ کیا اور میونسپل کمیٹی کے آپریشن تجاوزات کا جائزہ لیا اس موقع پر شہریوں کی شکایات پر مسلسل تجاوزات کرنے والی دو دوکانیں سیل کرواتے ہوئے متعدد کو وارننگ جاری کی گئی۔ ڈپٹی کمشنر کا کہنا ہے کہ ضلعی انتظامیہ نے تاجروں کے ساتھ بہت نرم رویہ رکھا ہے، بار بار وارننگ دے کر چھوڑ دیا گیا اس کے باوجود تجاوزات سے باز نہ آنے والوں کو اب قانون کے مطابق نمٹا جائے گا اور کسی قسم کی رعایت نہیں دی جائے گی۔ دوکانیں سیل کرنے کے ساتھ ساتھ مقدمات بھی درج کروائے جائیں گے، سیل ہونے والی دوکانیں اب رمضان المبارک کے آخر تک بند رہیں گی۔