جہلم ( جرار حسین میر )آج مورخہ 16.09.2025 کو سی سی ڈی ٹیم، سوہاوہ، جہلم نے تین مشتبہ افراد کی موجودگی کی اطلاع پر "گنڈا کاس روڈ” پر رات تقریباً 08:15 بجے ریڈ کیا ، لیکن مشتبہ افراد نے ٹیم پر فائرنگ شروع کر دی اور موٹر سائیکل سوار پھینک کر جنگل کی طرف فرار ہو گئے۔ ٹیم خوش قسمتی سے محفوظ رہی لیکن ایک گولی کانسٹیبل کے سینے پر لگی۔ جو بلٹ پروف جیکٹ کی وجہ سے محفوظ ہے۔ ٹیم نے ملزمان کا پیچھا کیااور تھوڑی دیر کے بعد ایک ملزم محمد عثمان ولد محمد مشتاق سکنہ اسلام پورہ، جبر، تحصیل گوجر خان، ضلع: راولپنڈی زخمی حالت میں قابو کرلیا جبکہ اس کے ساتھی اندھیرے کا فائدہ اٹھا کر فرار ہو گئے، زخمیوں کو ٹی ایچ کیو ہسپتال منتقل کیا گیا ہے۔ جبکہ ہمراہی ملزمان کی تلاش جاری ہے۔ ملزم کے قبضے سے ایک پستول 30 بور اور ایک موٹر سائیکل بھی برآمد کر لی گئی۔ ملزم ایکٹو سنیچر ہے اور قبل ازیں رابری کی متعدد وارداتیں کر چکا ہے جبکہ اسکے ہمراہی ملزمان ڈکیتی ، مزاحمت پولیس سمیت سنگین مقدمات میں مطلوب ہیں ، ملزم سے مزید انکشافات متوقع ہیں
