ضلع باجوڑ کے علاقے خار میں فتنہ الخوارج کے خلاف بہادری سے لڑتے ہوئے جام شہادت نوش کرنے والے میجر عدیل زمان شہید کی نماز جنازہ آج پشاور گیریژن میں ادا کر دی گئی
جنازے میں فیلڈ مارشل سید عاصم منیر، NI(M)، HJ، COAS اور CDF، وزیر داخلہ، کمانڈر پشاور کور، فوجی اور سول افسران اور عوام نے شرکت کی
آئی ایس پی آر
راولپنڈی، 29 دسمبر، 2025
ضلع باجوڑ کے علاقے خار میں فتنہ الخوارج کے خلاف بہادری سے لڑتے ہوئے جام شہادت نوش کرنے والے میجر عدیل زمان شہید کی نماز جنازہ آج پشاور گیریژن میں ادا کر دی گئی۔
جنازے میں فیلڈ مارشل سید عاصم منیر، NI(M)، HJ، COAS اور CDF، وزیر داخلہ، کمانڈر پشاور کور، فوجی اور سول افسران اور عوام نے شرکت کی۔
فیلڈ مارشل سید عاصم منیر نے میجر عدیل زمان شہید کی عظیم قربانی کو زبردست خراج عقیدت پیش کرتے ہوئے اس بات کو اجاگر کیا کہ پاک فوج کے شہداء قوم کا فخر ہیں اور ان کی قربانیوں کو ہمیشہ یاد رکھا جائے گا۔ انہوں نے شہید کے درجات کی بلندی اور لواحقین کے لیے صبر جمیل کی دعا کی۔
میجر عدیل زمان شہید نے فرنٹ سے قیادت کرتے ہوئے اپنی جان کا نذرانہ پیش کیا۔ پاکستان کی مسلح افواج ملک سے دہشت گردی کی لعنت کے خاتمے کے لیے اپنے عزم پر قائم ہیں اور ایسی قربانیاں قوم کے عزم کو مزید تقویت دیتی ہیں۔
شہید کو پورے فوجی اعزاز کے ساتھ ان کے آبائی شہر ڈیرہ اسماعیل خان میں سپرد خاک کیا جائے گا۔
بعد ازاں فیلڈ مارشل نے سی ایم ایچ پشاور کا دورہ کیا اور آپریشن کے دوران زخمی ہونے والے افسران اور جوانوں کی عیادت کی اور ان کے حوصلے اور استقامت کو سراہا
