​ٹریفک پولیس دینہ کا پریشر ہارن اور ساؤنڈ سسٹم کے خلاف گرینڈ آپریشن

​ٹریفک پولیس دینہ کا پریشر ہارن اور ساؤنڈ سسٹم کے خلاف گرینڈ آپریشن
​دینہ (اقبال خان) ڈسٹرکٹ پولیس آفیسر (DPO) جہلم کی خصوصی ہدایات اور ڈی ایس پی ٹریفک کی زیر نگرانی، ٹریفک پولیس دینہ نے پریشر ہارن اور ٹیپ ساؤنڈ سسٹم کے خلاف ایک بڑے گرینڈ آپریشن کا آغاز کر دیا ہے۔
​ماہِ محرم الحرام کا تقدس اور ماحولیاتی تحفظ:
آنے والے ماہِ محرم الحرام کے پیشِ نظر اور شہر کے ماحول کو صوتی آلودگی سے پاک رکھنے کے لیے گاڑیوں سے بھاری ساؤنڈ سسٹم اور کان پھاڑنے والے پریشر ہارن کو فوری طور پر ختم کرنے کی مہم کا باقاعدہ آغاز کر دیا گیا ہے۔
​
​انسپکٹر ٹریفک پولیس جہلم محمد افضل نے دینہ شہر کے مختلف حساس اور مصروف ترین ایریاز میں خصوصی ناکہ بندی کی۔ آپریشن کے دوران متعدد گاڑیوں سے موقع پر ہی پریشر ہارن اور ساؤنڈ سسٹم اتارے گئے اور خلاف ورزی کرنے والوں کے چالان بھی کیے گئے۔ اس موقع پر انسپکٹر محمد افضل نے ڈرائیوروں اور گاڑی مالکان کو محرم الحرام کے تقدس کا احترام کرنے اور پریشر ہارن کے شور سے انسانی صحت و ماحول پر پڑنے والے منفی اثرات کے بارے میں تفصیلی آگاہی بھی دی۔
​
​اس موقع پر میڈیا کے نمائندوں سے خصوصی بات چیت کرتے ہوئے انسپکٹر ٹریفک پولیس محمد افضل نے کہا
​”گاڑیوں میں پریشر ہارن اور تیز آواز والے ساؤنڈ سسٹم کی کسی صورت اجازت نہیں دی جا سکتی۔ ایسی تمام گاڑیوں کے خلاف بلا امتیاز گرینڈ آپریشن شروع کر دیا گیا ہے جو کہ مسلسل جاری رہے گا۔”
​انہوں نے مزید کہا کہ:
​”قانون شکن عناصر کے ساتھ کوئی نرمی نہیں برتی جائے گی۔ محرم الحرام کے دوران امن و امان اور پرسکون ماحول کو برقرار رکھنا ہماری اولین ترجیح ہے۔ عوام اور بالخصوص ٹرانسپورٹرز برادری سے اپیل ہے کہ وہ اس مہم میں ٹریفک پولیس کا ساتھ دیں تاکہ دینہ شہر کو صوتی آلودگی سے پاک اور پرامن بنایا جا سکے۔”